配音 * 夢工場

配音是一個另類的影視工作,!平凡的你我他想要在電影上擔任主角?在配音界,你?絕非不可能!跟我進入 配音* 夢工場 想像自己的聲音出現在其他影象人物上! 這是 配音 工作的奇妙 ! 你..是否願意參予投入這個 夢工場 ?

2009年2月14日 星期六

魔法童話夜


在'魔法童話夜'中,主角小女孩的角色由我的一個學生演譯,這位小朋友叫陳靖琳,她是一個天份極高的小朋友,如果你有看這部電影,又剛巧看了中文配音版,一定會覺得她可愛得不得了!

2007年7月15日 星期日

配音實况

再見流浪犬

早前參予電影 ' 再見流浪犬' 的配音工作,被戲中的流浪狗狗义燒感動了,
原來流浪犬在泰國,問題比香港更加嚴重,
在另一個天空,也有着因為人們愛護動物及保護動物的意識足,
以致狗狗被棄,到處流浪街頭的問題,為什麼人那麼不尊重其他生命呢?
以致當地才有人以流浪犬為題材去拍這部電影 (總算是個愛護動物的行動開始)。
义燒這可愛狗狗主角,的而且確是一隻流浪犬,
但其實參予拍攝的狗狗一共有5隻,卻因為他們外表差不多,
所以卽使穿插在不同塲口裡,大家也沒有察覺,
但祇有真正的义燒才有 close up (大頭近鏡),據拍攝人員透露是因為5隻狗狗中,祇有他的表情最豐富。
在電影中,故事結局會使人遺憾,我在配音室配音時也傷感得有點眼濕濕呀!
(暫且保留劇情,大家有機會去看吧) 但現實世界中,
聽說小狗义燒被劇中工作人員收養,這個結局,是我比較願意知道的!
在此送上遙遙的祝福 給遠在泰國的义燒!
更希望那些沒有家的流浪犬,願...願你平安地渡過每一天..(無言!!! )
我似乎無能為力,可以做到的除了祝福 ,祇有祝福!
請大家真的真的尊重其他生命!!!謝謝!

2007年6月30日 星期六

笑住配音

上個星期在錄 " 網球王子 " 時,居然在錄音室踫上麥景婷 ( 媽喱紅 ),佢係為廣告片,配音,我同佢之前約極都約唔到一齊坐低食餐飯,但就因為各自的工作關係而踫上,所以好開心!我地一坐埋就支支喳喳猛咁講野,咁啱個導演又係以前ATV嘅!而配音領班又係 龍天生,佢以前都係 TVB 演員,又同我一齊有份配 " 小熊維尼 " ,所以大家都好熟!以至錄音室一班人就見識到我地極度興嘅樣!真係失禮晒!hehe!
當然我同景婷又笑又叫,細聲講大聲笑D醜態出晒嚟!
唔到十分鐘,輪到我 " 網球王子 " 開工,景婷亦任務完成,廣告商收貨,收工!
在我開工中途,有電話揾我,問我 " 網球王子 " 收工後可否留低!
原來在我同景婷吱吱喳喳之際,廣告商好鍾意我地之間嘅開心感覺!呢種就係 " 莎莎婦女銀袋曰 " 嘅廣告想帶出俾人嘅興奮開心氣氛!就係咁好偶然地,我就接咗呢個廣告配音!
有陣時,配音唔係淨係要字正腔圓,講出嚟嘅感覺好重要,你可以自己試下,又或者留意下,笑住嚟講同唔笑咁講同一句說話,聽落好唔同架,所以笑多D,講出嚟嘅句子人地都啱聽D,唔信你試下!

2007年6月29日 星期五

新不了情 * 配音 * 點分自然聲同配音聲

13年前,電影《新不了情》無人不曉,迄今,那首同名主題歌還存在于KTV點歌排行榜之上。這部由香港著名導演爾冬升執導,會聚了袁詠儀、劉青雲、劉嘉玲、馮寶寶、秦沛等多位香港明星的影片,在當年香港影壇可謂紅極一時,一舉拿下當年香港電影金像獎最佳影片、最佳導演、最佳編劇、最佳女主角、最佳女配角、最佳男配角共計六項大獎。

  13年後,爾冬升親自將電影《新不了情》改編成電視劇版,並找來陳坤、薛凱琪主演。在《新不了情》拍攝了兩個月之後,前天下午,爾冬升攜新版《新不了情》的全體主創以及剛剛出爐的精彩片花亮相于媒體前。

在進入錄音室前,領班己向我灌入思想準備,指出此電視版的製作嚴緊,所以從 選角開始至正式開工,我們都嚴陣以待,在第一天開工時,大家都有じ理準備會有機會被飛,所以大家衹有盡量配合公司的要求!

要求配音員不要有配音聲!

配音聲...其實包括語調、用句停頓、感情呼吸!

現在大部份的電視劇,都會由戲中演員自己把聲去配,因為現在觀眾太熟悉演員的真人發聲,若用配音便會感覺不真實,所以衹有小部份講普通話的演員需要由我們去演釋。

似配音?

當大家聽下去感覺得像配音?其實是代表著-

語氣對白太設計!太完美!太流暢!太咬字清晣!

真實生活裡,我們由於無法預知下一秒將會發生怎麽!所以所有卽將發生的舉動,反應及卽將要說的話,都只憑個人以往經歴去作出適當的應對!

所以在任何情況下,都未必能有最完美的設計舉動!

對答未必是最好的答案!

我們要做到沒有配音的效果,便不要熟讀劇本,容許自己有少許口齒不伶俐,留じ聽對手上一句在說怎麽,然後根據自己配的角色的反應,以手上劇本上的對白為基楚,去接上該有的對白!自然的情感!

無論是 演員 或 配音員

衹要我們用心去聆聽對手的對白,我們就能做出最合理、最自然的反應!

這是演技課程第一課!

WinnieThePoon小熊維尼跳跳版

踏上配音夢工場

多年前,因為我自己好鍾意學野,好鍾意返學上堂嗰種環境同氣氛,
所以八八卦卦咁走去學配音。
( 可能細嘅時候成日走堂去排舞呀咁।而家就補番數॥)

咦॥配音好好玩囉!
我初初唔係學配卡通,係先學配電影,我跟嘅老師都係電影界前輩,
所以學到好多技巧。有左基本功,去配其他就一理通百理明嘞!
( 我D中文幾犀利架 ,咪蝦我喺外國大吖 )

喺電影全盛時期,卽係7/80年代至90年初,配音員係一種
唔覺唔覺 可以賺到買車又買樓嘅行業,
尤其是某些 紅星演員 指定的 配音員,
他們的 聲音演譯 簡直就似是 紅星演員 本身的 聲音,
反而令觀眾忘記左演員自己的聲音。
當年
大家比較少在其他 煤體 去接觸到 電影演員,
以至觀眾好大可能從沒有聽過他們的 真聲!

電影配音 同 電視劇/卡通不同,
因為螢幕大很多,
觀眾 注意力 也比看電視那 免費娛樂 高很多,
所以配音員對螢幕上任何細微的口部動作,
任何身體語言 也要顧及,卽使 吸氣呼氣 也要配合,
咁樣講,好似很有難度,但其實有了技巧之後,要做到要求並唔難,
反而最最重要的是---要入戲!
當年
電影配音 跟 電影行業一樣,一套電影可以由 開7日工 至 幾個星期,
視乎導演要求,嗰個電影黄金年代,有大把錢同時間,
開工時間 9-6 日組,夜組 6-3,冇錯!3!
係半夜3點收工!
再去食D宵夜,咁就天光嘞!
所以唔好以為配音行業好容易,其實一樣要捱更抵夜,
新人更加要唔好計較,
因為好多機會係等左成晚都係埋位做一二句路人甲角色咋!

外國 仲 尊稱 配音員 為 vocal artist,聲音演員。
事實上,近年有D戲都反轉先拍左 vocal artist 嘅 body movement
然後運用這些 data 去做出 動畫,
vocal artist 雖然最終在電影畫面上並沒有出現影像,
但我們見到的 動畫 /肖像 根本便是 vocal artist 的化身!
我有幸係90年代尾尾加入做 part time 配音員,
不過由於要拍劇,
又不定時出外地工作,所以接的 job 比較少。
對一個冇セ實戰經驗嘅新人,
最最開心便是第一次接到 WaltDisney 嘅 job,
好似係 '恐龍世紀'?
戲中我配的 是 女主角,
男主角 是 張學友!!!
哎唉॥可惜大家分開錄音時間配,所有發生嘅祇係喺戲中..........hehe
之後就一直斷斷續續有幫 WaltDisney 配,
原來美國 WaltDisney 會有齊我地D聲帶,
當係有新片要試音呢,有記錄嘅人被取錄嘅機會就高D!
Lucky Me!
而家我仲配緊 Winnie the Poon ,
估唔估到我配邊個角色?
袋鼠媽媽呀!!!
喺聖誕節嗰輯,
有隻歌仲好好聽!我唱架!!!
最新呢輯仲換左新人物添!
(賣下廣告先!)!!ha!

2007 copyright 陳靖允 /陳迪華 /siana