踏上配音夢工場

多年前，因為我自己好鍾意學野，好鍾意返學上堂嗰種環境同氣氛，

所以八八卦卦咁走去學配音。

( 可能細嘅時候成日走堂去排舞呀咁।而家就補番數॥)

咦॥配音好好玩囉！

我初初唔係學配卡通，係先學配電影，我跟嘅老師都係電影界前輩，

所以學到好多技巧。有左基本功，去配其他就一理通百理明嘞！

( 我Ｄ中文幾犀利架 ，咪蝦我喺外國大吖 )

喺電影全盛時期，卽係7/80年代至90年初，配音員係一種

唔覺唔覺 可以賺到買車又買樓嘅行業，

尤其是某些 紅星演員 指定的 配音員，

他們的 聲音演譯 簡直就似是 紅星演員 本身的 聲音，

反而令觀眾忘記左演員自己的聲音。

當年

大家比較少在其他 煤體 去接觸到 電影演員，

以至觀眾好大可能從沒有聽過他們的 真聲！

電影配音 同 電視劇/卡通不同，

因為螢幕大很多，

觀眾 注意力 也比看電視那 免費娛樂 高很多，

所以配音員對螢幕上任何細微的口部動作，

任何身體語言 也要顧及，卽使 吸氣呼氣 也要配合，

咁樣講，好似很有難度，但其實有了技巧之後，要做到要求並唔難，

反而最最重要的是---要入戲！
當年

電影配音 跟 電影行業一樣，一套電影可以由 開7日工 至 幾個星期，

視乎導演要求，嗰個電影黄金年代，有大把錢同時間，

開工時間 9-6 日組，夜組 6-3，冇錯！3！
係半夜3點收工！

再去食Ｄ宵夜，咁就天光嘞！

所以唔好以為配音行業好容易，其實一樣要捱更抵夜，

新人更加要唔好計較，

因為好多機會係等左成晚都係埋位做一二句路人甲角色咋！

外國 仲 尊稱 配音員 為 vocal artist，聲音演員。

事實上，近年有Ｄ戲都反轉先拍左 vocal artist 嘅 body movement

然後運用這些 data 去做出 動畫，

vocal artist 雖然最終在電影畫面上並沒有出現影像，

但我們見到的 動畫 /肖像 根本便是 vocal artist 的化身！
我有幸係90年代尾尾加入做 part time 配音員，

不過由於要拍劇，

又不定時出外地工作，所以接的 job 比較少。

對一個冇セ實戰經驗嘅新人，

最最開心便是第一次接到 WaltDisney 嘅 job，

好似係 '恐龍世紀'？

戲中我配的 是 女主角，

男主角 是 張學友！！！

哎唉॥可惜大家分開錄音時間配，所有發生嘅祇係喺戲中..........hehe
之後就一直斷斷續續有幫 WaltDisney 配，

原來美國 WaltDisney 會有齊我地Ｄ聲帶，

當係有新片要試音呢，有記錄嘅人被取錄嘅機會就高Ｄ！

Lucky Me！

而家我仲配緊 Winnie the Poon ，

估唔估到我配邊個角色？
袋鼠媽媽呀！！！

喺聖誕節嗰輯，

有隻歌仲好好聽！我唱架！！！
最新呢輯仲換左新人物添！

(賣下廣告先！)！！ha！

2007 copyright 陳靖允 /陳迪華 /siana